ചുറോസ്

തനി നാടൻ ഭക്ഷണങ്ങൾ പോലെത്തന്നെ നമുക്ക് പ്രിയമുള്ളവയാണ് വെസ്റ്റേൺ വിഭവങ്ങൾ. നമ്മുടെ വീട്ടിൽ എപ്പോഴും ഉള്ള ചേരുവകൾ കൊണ്ട് തയ്യാറാക്കാൻ പറ്റുന്ന ഒരു വിഭവമാണ് ചുറോസ്. കൂടാതെ കുട്ടികൾക്ക് ഒരുപാട് ഇഷ്ട്ടപെടുന്ന ഒരു വിഭവം കൂടിയാണിത്.

ചുറോസ് ഉണ്ടാക്കുന്നതിനായി ഒരു പാൻ വച്ച് അതിലേക്ക് 1 കപ്പ് വെള്ളം ഒഴിക്കുക. വെള്ളം ചൂടാകുമ്പോൾ അതിലേക്ക് 1 \4 ടേബിൾ സ്പൂൺ sHweet സ്റ്റീവിയ പൗഡർ ചേർത്ത് അലിയിച്ചെടുക്കണം. ഇതിലേക്ക് 1/2 കപ്പ് ബട്ടർ ചേർത്ത് ഉരുക്കിയെടുക്കണം. തുടർന്ന് ഇതിലേക്ക് 1 കപ്പ് മൈദ കൂടി ചേർത്ത് ചെറിയ തീയിൽ നന്നായി കുഴച്ചെടുക്കണം. തയ്യാറാക്കിയ മാവിലേക്ക് ഒരു നുള്ള് ഉപ്പ് കൂടി ചേർക്കുക. അതിനുശേഷം അടുപ്പിൽനിന്നും മാറ്റി ഒരു മുട്ട പൊട്ടിച്ചു മാവിലേക്കൊഴിച്ചു കട്ടയാകാതെ നന്നായി ഇളക്കി യോജിപ്പിക്കണം. തുറന്ന് ഒരു മുട്ടക്കൂടി ചേർത്ത് നന്നായി കുഴച്ചെടുക്കണം. ഈ മാവ് ഒരു പൈപ്പിങ് ബാഗ് ഇൽ എടുക്കണം. പൈപ്പിങ് ബാഗിന്റെ അറ്റത്തു ഒരു സ്റ്റാർ നോസിൽ കൂടി ഇട്ടു കൊടുക്കണം. തുടർന്ന് തയ്യാറാക്കിയ മാവ് ചൂടായ എണ്ണയിലേക്ക് ഇട്ടുകൊടുക്കണം വീണ്ടും അതേ നീളത്തിൽ മാവ് എണ്ണയിൽ ഒഴിച്ച് ചുറോസ് ഉണ്ടാക്കി എടുക്കണം. ബ്രൗൺ കളർ ആവുന്നതുവരെ മൂപ്പിക്കണം. എന്നിട്ട് ഒരു പിഞ്ച് സ്റ്റീവിയ പൗഡറും കരുവാപാട്ട പൊടിച്ചതും നന്നായി യോജിപ്പിച്ചു വെക്കണം. ഇതിലേക്ക് വറുത്ത ചുറോസ് ഇട്ട് റോൾ ചെയ്ത് ചോക്ലേറ്റ് സോസിന്റെ കൂടെ വിളമ്പാം.